تصویر روز
هفته نامه
| شنډه ديموکراسي |
| نوشته شده توسط ګل پاچا الفت |
|
دانه ده معلومه چې اصلي نقص په چاکې دى او چېرته دى؟ کابينه شنډه ده که شورى؟ چې ديموکراسي څه نه زېږوي. 88/11/18 يو ځلمى ډېر خوشحالېږي، چې يوه ښکلې پېغله په نکاح کړي، يعني د تجريد له حالته واوزي، اهل و عيال پېداکړي، دکور خاوند شي او کورنۍ تشکيل کاندي، مګر چې ناوې کورته راولي او يو دوه کاله تېر شي، نه دځوى پلارشي او نه دلور؛ نو يوه لويه مايوسي ورته پيداشي. له ښځې نه يې زړه تور شي او ځان ورته بې بنياده ښکاره شي. په دې هم نه پوهېږي، چې دى شنډ دى او که ښځه؛ ځکه دبل واده په فکر کې شي او په بلې ښځې پسې ګرځي. زموږ ځوانان او ځلميان هم ديموکراسۍ ته ډېر خوشحالېدل، دوى ګمان کاوه، چې له دېنه به حزبونه او سياسي فعاليتونه وزېږي او ملي حاکميت به دحزبي اکثريت له لارې تامين شي؛ مګر ديموکراسي شنډه وخته او دهېچا مور نه شوه. دانه ده معلومه چې اصلي نقص په چاکې دى او چېرته دى؟ کابينه شنډه ده که شورى؟ چې ديموکراسي څه نه زېږوي. |
