د ننګرهار د ولايتي شورا دکانديدانو غبرگون
نوشته شده توسط مرکز رسانه ئی ننگرهار   
  د ننګرهار د ولايتي شورا تر سلو زياتو کانديدانو د شنبې په ورځ په يوه غونډه کې د ولايتي شورا د انتخاباتو د سمو نتيجو د اعلان غوښتنه کړې.
کانديدانو ګواښ وکړ، که  په ټاکنو کې د شويو درغليو تحقيقات ونه شي، دوى به يوه بله ولايتي شورا اعلان کړي، مظاهرې به وکړي او له دولتي ادارې سره به مقاطعه اعلان کړي.
د ننګرهار د ولايتي شورا د کانديدانو د غونډې پرېکړه ليک يوه کانديد شير بهادر همت ولوست.
په پرېکړه ليک کې راغلي که د کانديدانو غوښتني ونه منل شي، مظاهرې به وکړي، جلال اباد ته راغلې  لارې  به وتړي، ښوونځي به هم وتړي ولسوالان به له خپلو دندو وشړي او نوى ولايتي شورا به جوړه کړي.
ګڼو نورو کانديدانو تور پورې کاوه، چې په  ولايتي  انتخاباتو کې تر حده زياتې لاسوهنې شوي او د ټاکنو کميسون بايد وړ بريالي کسان اعلان کړي، نه ناوړه او په درغليو راغلى خلک.
 په دې اړه مو د ټاکنو د شکايتونو کميسون د نماينده ګۍ له يوه کارکوونکي هجرت  الله اختيار نه وپوښتل. ده وويل تحقيقات به په سمه توګه تر سره کېږي او ډېر ژر به نتيجې اعلان شي
د ننګرهار د ولايتي شورا او د ټاکنو د کميسون تر منځ د انتخاباتو د نتيجو پر سر دا اړی گړی  له ډېر وخت راهيسي روان دى او نتيجو ته يې ډېر خلک په تمه دي.
 

ارسال نظرات شما

نام شما:
ایمیل شما:
عنوان:
نظر:
yvComment v.1.22.0
ناشر، ميديوتيك افغانستان
بانر تبلیغاتی
بالاي لوگو كليك كنيد
مسووليت محتوای مطالب نشر شده به نويسندگان آنها مربوط است