عاجل خبر: په ننګرهار کې د دوو قومونو ترمنځ نښته
نوشته شده توسط محب الله الله يار   
سه شنبه 18- 12- 88
 
مشرحاجي ملک عثمان وويل: دعليشېرخېلو ٢ زرو وسله والو پردوى يرغل وکړ او د دوى ١٠٠ تنو ته يې مرګ ژوبله اړولې.
 
دننګرهار ولايت په شينوارو ولسوالۍ کې دځمکې دملکيت پر موضوع دشينوارو د دووقومونو عليشېرخېلو او سه پاى ترمنځ په نښته کې ګڼه مرګ ژوبله اوښتې.

دننګرهار د والي وياند احمدضياعبدالزي وويل، دپېښې ١٣ تنه ټپيان دغني خېلو روغتون ته رسول شوي؛ خو پوره معلومات به ترڅېړنې وروسته خپرېږي.
دجګړې ديوه طرف سه پاى يوه قومي مشرحاجي ملک عثمان وويل: دعليشېرخېلو ٢ زرو وسله والو پردوى يرغل وکړ او د دوى ١٠٠ تنو ته يې مرګ ژوبله اړولې. ده وويل دولسمشر له خوا دسلاکاروزير وحيدالله سباوون په مشرۍ ټاکل شوې جرګه په پرېکړو کې بې طرفه نه ده؛ خو دجګړې هغه بل لورى عليشېرخېل سمدستي له رسنيو سره نه غږېږي.

عليشېرخېلو تردې جګړې مخکې ويلي و، دحکومت له خوا دتعين شوي هئيت پرېکړه مني؛ خو هغه بل لورى يې نه مني.

ننګرهارچارواکي وايي، له بېلابېلو خواو نه يې يوهئيت جوړ کړى او ددغه قومي کړکېچ په پاى ته رسولو کې يې هڅې دوام لري.

په پېښه کې دمړو او ټپيانو دقيقه شمېره به وروسته معلومه شي.

9- 3- 2010
 

ارسال نظرات شما

نام شما:
ایمیل شما:
عنوان:
نظر:
yvComment v.1.22.0
ناشر، ميديوتيك افغانستان
بانر تبلیغاتی
بالاي لوگو كليك كنيد
مسووليت محتوای مطالب نشر شده به نويسندگان آنها مربوط است